انا طالب فى كليه تجاره او خريج ونفسى اشتغل فى بنك اعمل ايه علشان لما اتخرج اشتغل على طول : اليك الحل !!

ازاى تكون جاهز انك تشتغل فى بنك

بسم الله الرحمن الرحيم

اول شىء لازم نكون عارفينه ان المجتهد فى دراسته وحياته بياخد نصيبه حتى لو الوقت أتاخر

التقدير 

اول مابتدخل الكليه حاول مضيعش منك تقدير فى الاربع سنين لان التقدير هو اساس العمل فى بنك لان معظم البنوك بتطلب من جيد و جيد جدا ( يفضل جيد جدا هيكون ليه الاولويه اكيد )

اللغه 

اللغه هى شىء مهم جدا يعنى مينفعش حد مبيعرفش ينطق انجليزى و يشتغل فى بنك علشان كده لو ضعيف ابدأ كورس و خد كورس محادثه ( conversation )
فى اماكن كتير ممكن تأسسك زى مثلا القنصليه البريطانيه -اميد ايست - معهد القوات المسلحه 

(british council - amideast )

متحاولش يبقى كل اعتمادك فى مذاكرتك على ورق الكورسات

 حاول تجيب الكتب و تعتمد على نفسك وتستخدم الانترنت فى حاجه مفيده

 وهو انك تنمى معلوماتك وتشوف الحياه العمليه بيستخدموا المنهج اللى بتدرسه ازاى

ميبقاش الكليه حفظ وخلاص

حاول تنمى معلوماتك الاقتصاديه وتابعها بشغف بس تكون فاهم اقتصاد
  علشان كده اهتموا كتير بالاقتصاد اللى هتاخدوه فى الكليه

التدريب الصيفى 

 
يعتبر من اهم العوامل - لانك بتكون زى الموظف اللى شغال فى البنك بالظبط بس لمدة شهرين وحاول انك تستفاد منه كويس جدا
لانه بيديك خبره فى جميع اقسام البنك بتعرف كل قسم مهامه ايه و اجراءات العمل فيه ايه
وكمان بتعرف ازاى تتعامل مع زملاء العمل فى البنك

الكورسات 

لازم طبعا اجاده تامه للكمبيوتر وده بيكون انك تاخد ICDL او IC3
ومش معنى انك تاخد شهاده انك يبقى معاك شهاده مجرد ورقه لا
لازم تتطور نفسك وتكون فعلا جيد جدا فى استخدام الكمبيوتر لان ده اساس شغل البنك

وكمان كورس الاكسيل المحاسبى ده اساسى برده
كورس المعهد المصرفى من اهم الكورسات لانه بيعرفك كل منتجات البنك بالتفصيل ومهام كل قسم وكل شىء عن البنوك

يبقى بالترتيب اهم العوامل انها تساعدك علشان تشتغل فى بنك
1-التقدير
2-اللغه
3-التدريب الصيفى او كورس المعهد المصرفى 

4-الكورسات الاخرى ( الاكسيل - iCDL , etc )

5- طريقة كلامك و شخصيتك 

(والنصيب والقدر )

لما تخلص الكليه وانت جايب تقدير ومعاك لغه وواخد كورسات بتقدم وانت واثق فى نفسك

التقدير المهم ولكن ايضا الشخصيه و اللغه و طريقة الكلام مهم

 لمعرفة كيفية كتابة السيرة الذاتية بشكل صحيح
اضغط هنا 
 لتسجيل سيرتك الذاتية
اضغط هنا