كورسات ومهارات هامه جدا للعمل فى البنوك

لو انت هتقدم علشان تشتغل فى بنك لازم تكون مؤهل للوظيفة دى

وعلشان تكون مؤهل لازم تكون فاهم ومتمكن من مهارات كتير 

يعنى على سبيل المثال مينفعش تقدم فى بنك وانت مش بتعرف تسخدم الكمبيوتر  او انك مبتعرفش تقرا كلمة بالانجليزى

وعلشان كده حبينا نقلكم على الاساسيات اللى تكون عارفها وانت داخل اى انترفيو تكون انت مخلصها

1- اللغه Language 

اللغة شىء مهم جدا واساسى انك تكون كويس فيها ومش بس تكون فاهم الجرامر او حافظ كلمات لا تكون بتعرف تتكلم كويس و تفهم الكلام اللى بيتقال . مبدئيا انت هتتسال عرف نفسك بالانجليزى او اى سؤال تانى فى الانترفيو بيكون الهدف منه انهم يكتشفوا انت هتفهم الكلام ومهارة الاستماع  عندك كويسة ولا لا ومن ردك هيعرفوا النطق بتاعك و مهارة التحدث كويسة ولا لا 

غير كده مينفعش فى شغلك تكون مش عارف تقرا كلمه او تعرف معناها 

يبقى اول حاجه كورس انجلش ويكون فيه محادثه

2- ICDL

ودى بتدرس فيها اساسيات تكنولوجيا المعلومات - وادارة الملفات - وكمان جميع برامج الاوفيس

مش بتدرسها علشان يبقى معاك شهاده لا علشان تبقى فاهم فعلا ولازم تنمى مهاراك مع نفسك من على النت

3-برنامج الاكسيل  Excel

حاليا برنامج الاكسيل مهم جدا فى اى مكان علشان كده لو تقدر تاخد فيه كورس متقدم يبقى افضل وكمان ممكن تتعلم من على النت بكل سهولة 

4-كورس اساسيات العمل المصرفى Basic of Bank Operations

الكورس ده بتدرسة فى المعهد المصرفى المصرى وفى كتب ممكن تحملها وده فى معلومات عن جميع اقسام البنك ومهام كل وظيفة وجميع المنتجات هيفيدك كتير

5- التدريب الصيفى فى البنوك Summer Internship

التدريب مهم جدا وبيعزز السى فى بتاعك لانه انت كده اخدت خبرة عمليه عن اقسام البنوك و المنتجات والمستندات و كمان بتاخد تقدير فى شهادة التدريب دى هتثبت انك كنت قايم بجميع المهام اللى اخدتها 

لازم تكون مميز علشان تتقبل

ممكن تعمل كمان سيرة ذاتيه على موقع بيت هيجيلك وظائف كتير فى البنوك 

وده لينك التقديم وربنا يوفقكم

لتسجيل سيرتك الذاتيه  اضغط هنا