الطريق للعمل فى بنك مصر جميع المعلومات عن الانترفيو و الامتحان

الطريق للعمل فى بنك مصر

اولا بتقدم عن طريق الموقع 

طيب ازاى تقدم 

اول حاجه لازم يكون عندك اكونت ومهم جدا انك تحفظ الايميل و الباسورد اللى عملت بيهم الاكونت علشان ميحصلش مشاكل مستقبلا

طيب ازاى تعمل اكونت 

الفيديو ده بيشرح كل حاجه للمشاهده اضغط هنا 

بعد مابتعمل الاكونت بتنتظر لما البنك يعلن عن وظيفة فى محافظتك وتقدم عليها يعنى بعد ماتعمل الاكونت لازم تتابع صفحتنا بنزل عليها الوظائف

بعد مابتقدم البنك بيبعتلك رساله بيقولك انك عندك امتحان ومبيحدد الميعاد والمكان 

غالبا بيكون فى مبنى الجامعه الامريكيه قريب من ميدان التحرير

لو عايز تعرف كل المعلومات عن الامتحان اضعط هنا 

الامتحان سهل وبسيط وبإذن الله معظم الناس هتعدى منه 

لو نجحت فى الامتحان هيبعتولك رساله وممكن يكون بعد شهر او  شهر وكام يوم 

هيكون فى الرساله ان انت عندك مقابلة ومحدد اليوم والمكان 

فى المقابلة بتتسأل عن شوية حاجات بسيطه و كانت سهلة مع معظم الناس 

لجميع المعلومات عن المقابله الشخصيه او الانترفيو اضغط هنا 

بعد المقابلة لو نجحت هيبعتولك رسالة بميعاد الكشف الطبى 

و الكشف الطبى بيتقسم ليومين 

اول يوم : بتروح وبتمضى على شوية تعهدات واوراق مش العقد و كمان بيكلومك عن الاوراق اللى هتحضرها و عن المرتب 

والكلام ده 

وفى نفس الرساله بيقولوك عايزين الرقم القومى ومكان عمل كل خلانك واعمامك الذكور ووالديك واخواتك علشان الكشف الامنى 

لو حد طلع عليه احكام دى هتبقى مشكلة 

وفى نفس اليوم بتعمل بتروح تعمل شوية فحوصات بسيطه مبدأيه وبتحلل بول علشان كشف المخدرات  واليوم بيبقى خلص وبتروح خلاص

لو التحليل طلع نضيف هيبعتولك رساله تانيه تكمل فيها فحوصات الكشف الطبى بس اليوم ده هتقضيه فى المستشفى بتعمل

كشف على القلب

سونار

تحليل سكر

نظر

صدرية

هيقولولك لو محدش كلمك خلال شهر او 3 اسابيع 

يبقى الكشف الامنى سليم والكشف الطبى سليم

لو فى اى مشكله فى حاجه منهم بيبعتولك رساله علشان تعيد كشف طبى او يشوفوا المشاكل الامنيه اللى عند اهلك 

طبعا بعد الكشف الطبى التانى تحاول تحضر اوراقك لان بعد مايعدى الشهر ممكن يكلموك فى اى وقت علشان تمضى العقد